Раштав уйăхĕн 3-мĕшĕнче чăваш чĕлхипе литератури кафедрин доценчĕ Ахвандерова А. Д. Çĕнĕ Шупашкарти пĕтĕмĕшле пĕлÿ паракан 12-мĕш номерлĕ шкулта пулса 10, 11-мĕш класс ачисемпе тĕл пулу ирттернĕ. Шкул ачисене кăсăклантаракан ыйтусенчен пĕри вăл пулас профессие суйласси пулнине шута илсе Ахвандерова А. Д. çамрăксене 2017-мĕш çулта аслă шкулсене вĕренме кĕмелли правилăсемпе паллаштарнă, вĕсене кăсăклантаракан самантсене (кашни предметпа миçе балл пухмалла, вĕренÿпе ăслăлăхри çитĕнÿсене мĕнле хаклани, стипенди ыйтăвĕ …) сÿтсе явнă. «И. Я. Яковлев ячĕллĕ Чăваш патшалăх педагогика университечĕн пурнăçне çутатса паракан видеоролике курсассăн ачасем хавхаланса кайрĕç, хăйсене кăсăклантаракан ыйтусем çине хурав тупма тăрăшрĕç. Вĕренÿ учрежденийĕ хальхи саманапа килĕшÿллĕн утса пыни, студентсене тĕрлĕ енлĕ аталанма майсем туса пани çамрăксен кăмăлне çĕклерĕ. Тĕл пулу усăллă иртрĕ», тесе палăртать. Ахвандерова А. Д.